மேட்டூர், செப். 10. மேட்டூரில் மின் நுகர்வோர் குறைதீர்க்கும் மன்ற கூட்டம் இம்மாதம்16-ம்தேதி நடைபெறுகிறது.

இதுகுறித்து மின் நுகர்வோர் குறைதீர்க்கும் மன்ற தலைவர் பொறியாளர் என்.தண்டபாணி விடுத்துள்ள செய்தி குறிப்பில் கூறியிருப்பதாவது:

மேட்டூர் மின் பகிர்மான வட்ட மக்கள் குறைதீர்க்கும் குழும கூட்டம் இம்மாதம் 16ம்தேதி வெள்ளிக்கிழமை காலை 11 மணிக்கு நடைபெறுகிறது.

மேட்டூர் மின் பகிர்மான வட்ட மேற்பார்வை பொறியாளர் அலுவலகத்தில் இக்கூட்டம் நடைபெறுகிறது. இக்கூட்டத்தில் மேட்டூர் மின் பகிர்மான வட்டத்தைச் சார்ந்த அனைத்து மின் நுகர்வோர்களும் தொடர்புடைய மின்வாரிய -அதிகாரிகளால் தீர்க்கப்படாத குறைகளை களைய முறையிடலாம்.

இக்கூட்டத்தில் மின்திருட்டு, மின்வாரிய பொருள்களை களவாடுதல், மின்சார மீட்டர்களை சேதப்படுத்துதல், மின்வாரிய பணிகளை உள்நோக்கத்தோடு தடுத்தல், தெருவிளக்குகளை சேதப்படுத்துதல், மின்சார சட்ட விதிமீறல்கள் சம்பந்தப்பட்ட புகார்களை கட்டாயம் தவிர்க்கும்படி கேட்டுக் கொள்ளப்படுகின்றது.