மேச்சேரி அருகே கர்நாடகா அரசு பேருந்து மோதி தொழிலாளி சாவு.

மேச்சேரி அருகே உள்ள குறுக்குப்பட்டியான் வளவை சேர்ந்தவர் மகேந்திரன்(48)கூலி தொழிலாளி. இவருக்கு மனைவியும் இரண்டு மகள்களும் ஒரு மகனும் உள்ளனர். மதுப்பழக்கம் உள்ள இவர் இன்று மாலை மது அருந்திவிட்டு சந்திரமாகடை பேருந்து நிறுத்தம் அருகே சாலையை கடக்க முயன்றுள்ளார். அப்போது மைசூரில் இருந்து சேலம் நோக்கி வந்த கர்நாடக அரசு பேருந்தின் பின் சக்கரத்தில் கால் இடறி கீழே விழுந்தார். இதில் தலை நசுக்கி சம்பவ இடத்திலேயே உயிரிழந்தார்.இச்சம்பவம் தொடர்பாக மேச்சேரி போலீசார் வழக்கு பதிவு செய்து விசாரணை நடத்தி வருகிறார்கள். சடலம் பிரேத பரிசோதனைக்காக ஓமலூர் அரசு மருத்துவமனைக்கு கொண்டு செல்லப்பட்டது.

பெ.வினித் மேட்டூர்