தமிழகம் முழுவதும் சுமார் 11 இடங்களில் இன்று பாப்புலர் ஃப்ரண்ட் ஆஃப் இந்தியா மற்றும் மதரசா பள்ளிகளில் தேசிய புலனாய்வுத் துறையினர் சோதனையில் ஈடுபட்டுள்ளனர். அதன் ஒரு பகுதியாக ராமநாதபுரம் மாவட்டம் சாயல்குடி அருகே உள்ள வாலிநோக்கத்தில் எஸ்டிபிஐ கட்சியின் தலைவர் பரகத்துல்லா வீட்டில் தேசிய புலனாய்வு அமைப்பினர் அதிகாலையில் இருந்து சோதனை மேற்கொண்டு வந்தனர்.இந்த சோதனையானது ஹைதராபாத்தில் தீவிரவாத அமைப்புகளுக்கு பயிற்சி அளித்ததாக குற்றம் சாட்டப்பட்டதன் பேரிலும் சட்டவிரோத பண பரிவர்த்தனை ஆகிய புகாரை அடிப்படையாகக் கொண்டு நடைபெற்று வந்தது.
இதனையொட்டி உள்ளூர் போலீசார், மற்றும் கூடுதல் பாதுகாப்புக்காக துப்பாக்கி ஏந்திய போலீஸார்கள் குவிக்கப்பட்டனர். பயங்கரவாத அமைப்புகள் தொடர்பான பிரச்சினைகளை விசாரணை நடத்தும் அமைப்பு தான் இந்த NIA தேசிய புலனாய்வு முகமை இதன் தலைமையகம் டெல்லியில் உள்ளது.பயங்கரவாத அமைப்புகளுடன் தொடர்புடையவர்களை கைது செய்தால் அவர்கள் தொடர்பான விவரங்களை அறிய அவர்களுக்கு தொடர்புடைய இடங்களில் இது போன்ற சோதனை நடத்தப்படுவது வழக்கமானதாக இருக்கிறது.மதுரை, திண்டுக்கல், ராமநாதபுரம் உள்ளிட்ட பல மாவட்டங்களில் தேசிய புலனாய்வு முகமை அதிகாரிகள் சோதனை நடத்தி வந்தனர். வாலிநோக்கம் பகுதிகளில் பயங்கரவாத செயல்களில் ஈடுபடுவதாக வந்த தகவலின் அடிப்படையில் தேசிய புலனாய்வு முகமை அதிகாரிகள் வாலிநோக்கத்தில் எஸ்டிபிஐ கட்சியின் மேற்கு மாவட்ட தலைவர் பரக்கத்துல்லா வீட்டில் சோதனை நடத்தியபோது பொது மக்கள் அவர்களுக்கு எதிர்ப்பு தெரிவித்துள்ளனர்.

இந்த நிலையில் பரகத்துல்லா வீட்டில் சோதனை செய்து விசாரணைக்காக பரக்கத்துல்லாவை NIA அதிகாரிகள் அழைத்து சென்றுள்ளனர்.
இந்நிலையில் NIA அதிகாரிகள் நடத்திய சோதனையை கண்டித்து 300க்கும் மேற்பட்டோர் வாலிநோக்கம் சாலையில் அமர்ந்து ஆர்ப்பாட்டத்தில் ஈடுபட்டு கோஷமிட்டனர். அதானல் சற்று பரபரப்பான சூழல் ஏற்பட்டு வருகிறது.

ரூபன் செய்தியாளர் ராமநாதபுரம் மாவட்டம்