சேலம் மாவட்டம்  மேட்டூர் அருகே மோட்டார் சைக்கிள் மீது கார் மோதி விபத்து ஒருவர் சாவு. மேட்டூர் அருகே உள்ள திமிரிக்கோட்டைய சேர்ந்தவர் பழனிசாமி மகன் சத்திவேல்(27) திருப்பூரில் உள்ள பனியன் கம்பெனி ஒன்றில் எலக்ட்ரீசியன் ஆக வேலை செய்து வந்தார். இன்று மாலை திருப்பூரில் இருந்து மோட்டார் சைக்கிளில் திமிரி கோட்டைக்கு சென்று கொண்டிருந்தார். மேட்டூர் அருகே உள்ள ராமன்நகரில் திப்பம்பட்டி பிரிவுசாலை அருகே வந்த போது மேச்சேரி பக்கம் இருந்து மேட்டூர் நோக்கி சென்ற கார் மோட்டார் சைக்கிள் மீது மோதியது. இதில் தூக்கி வீசப்பட்ட சக்திவேல் பலத்த காயங்களுடன் மேட்டூர் அரசு மருத்துவமனையில் சிகிச்சைக்காக கொண்டு சேர்க்கப்பட்டார் சிகிச்சை பலனின்றி அங்கு உயிரிழந்தார். இச்சம்பவம் தொடர்பாக கருமலை கூட போலீசார் வழக்கு பதிவு செய்து விசாரணை நடத்தி வருகிறார்கள்.