இடங்கணசாலை நகராட்சி பஸ் நிலையத்துக்குள் தனியார் வாகனங்கள் நிறுத்த தடை, காவல்துறையினர் எச்சரிக்கை.

சேலம் மாவட்டம் இடங்கணசாலை நகராட்சி பஸ் நிலையத்தில் இருந்து சேலம், செவ்வாய்பேட்டை, சிவதாபுரம், கந்தம்பட்டி பைபாஸ் , ஓமலூர், கே. ஆர். தோப்பூர், தாரமங்கலம், மேச்சேரி, நங்கவள்ளி, மேட்டூர், ஜலகண்டாபுரம், தொப்பையாறு, சின்னப்பம்பட்டி, எடப்பாடி, கொங்கணாபுரம், மகுடஞ்சாவடி, காக்காபாளையம், ஆட்டையாம்பட்டி, ராசிபுரம், வெண்ணந்தூர், கொண்டலாம்பட்டி, அரியானூர் உள்ளிட்ட பல்வேறு பகுதிகளுக்கு அரசு மற்றும் தனியார் பஸ்கள் சென்று வருகின்றன. இந்த பஸ் நிலையத்தில் தனியார் வாகனங்கள் அதிக அளவில் நிறுத்தி வருவதால் பஸ் ஓட்டுனர்களும், பயணிகளுக்கும் இடையூறாக இருந்து வருகின்றன என நகராட்சி நிர்வாகத்திற்கு புகார் வந்தது. இதன் பெயரில் நகராட்சி ஆணையாளர் மகுடஞ்சாவடி காவல் நிலையத்தில் புகார் அளித்தார். அதன் அடிப்படையில் மகுடஞ்சாவடி போலீசார் இடங்கணசாலை பஸ் நிலையத்திற்குள் தனியார் வாகனங்கள் நிறுத்துவதை முற்றிலும் தவிர்க்க வேண்டும் என்றும், அப்படி மீறி நிறுத்தினால் தக்க நடவடிக்கை எடுக்கப்படும் என எச்சரிக்கை விடுத்து வந்தனர்.