சங்ககிரி அருகே சோகம்: ஆட்டோ கவிழ்ந்து ஓட்டுநர் பலி- பெண் பூ வியாபாரி படுகாயம்:

சேலம் மாவட்டம், சங்ககிரியை அடுத்த பச்சாம்பாளையம் தேசிய நெடுஞ்சாலை பகுதியில் பூ ஏற்றி வந்த மூன்று சக்கர ஆட்டோ கவிழ்ந்ததில் ஓட்டுனர் பலி பெண் பூ வியாபாரி படுகாயம் சங்ககிரி போலீசார் விசாரணை..‌..

சேலம் மாவட்டம் ஓமலூர் பூசாரிப்பட்டிலிருந்து நாமக்கல் மாவட்டம் குமாரபாளையத்திற்கு மூன்று சக்கர ஆட்டோவில் பூசாரிபட்டி பகுதியைச் சேர்ந்த மயில்சாமி என்பவர் இன்று அதிகாலை பூ ஏற்றிக்கொண்டு குமாரபாளையத்தை நோக்கி சங்ககிரி அடுத்துள்ள பச்சம்பாளையம் தேசிய நெடுஞ்சாலை பகுதியில் சென்று கொண்டிருந்தபோது எதிர்பாராத விதமாக நிலை தடுமாறிய மூன்று சக்கர ஆட்டோ கவிழ்ந்து விபத்துக்குள்ளானதில் ஆட்டோ ஓட்டுனர் மயில்சாமி சம்பவ இடத்திலேயே பரிதாபமாக உயிரிழந்துள்ளார். மேலும் ஆட்டோவில் வந்த பெண் பூ வியாபாரி செல்வராணி பலத்த காயம் அடந்ததையடுத்து அருகிலிருந்தவர்கள் அவரை மீட்டு அரசு மருத்துவமனைக்கு சிகிச்சைக்கு அனுப்பி வைத்தனர்.மேலும் விபத்து குறித்து தகவலின் பேரில் விரைந்து வந்த சங்ககிரி போலீசார் பிரேதத்தை கைப்பற்றி பிரேத பரிசோதனைக்காக சங்ககிரி அரசு மருத்துவமனைக்கு அனுப்பி வைத்த பின்னர் வழக்கு பதிவு செய்து தீவிர விசாரணை மேற்கொண்டு வருகின்றனர்.இச்சம்பவம் அப்பகுதியில் பெரும் சோகத்தை ஏற்படுத்தியுள்ளது.

சங்ககிரி செய்தியாளர்
முத்து