சேலம், நெத்திமேடு அருகே உள்ள குப்தா மெஷின் ரோடு பகுதியில் பிறந்த சில மணி நேரத்தில் பச்சிளங்குழந்தை குப்பைத்தொட்டியில் வீசி சென்ற அவலம்.

சேலம் மாநகராட்சி பணியாளர்கள் வழக்கம்போல் பணி செய்ய வந்த போது உயிரிழந்த நிலையில் குப்பைத்தொட்டியில் இருந்த குழந்தையை பார்த்து அதிர்ச்சி அடைந்து அன்னதானப்பட்டி காவல்துறையினருக்கு தகவல் அளித்தனர்.
தகவலின் பெயரில் அன்னதானப்பட்டி போலீசார் சம்பவ இடத்திற்கு விரைந்து வந்து குழந்தையை மீட்டு பிரேத பரிசோதனைக்காக சேலம் அரசு மருத்துவமனைக்கு அனுப்பி வைத்து குழந்தையை வீசி சென்ற நபர் யார் என போலீசார் தீவிர விசாரணை செய்து வருகின்றனர். பிறந்து சில மணி நேரத்தில் பச்சிளம் குழந்தை குப்பைத் தொட்டியில் வீசப்பட்ட சம்பவம் அப் பகுதி மக்களிடம் பெரும் அதிர்ச்சிக்குள்ளாக்கியுள்ளது. குறை பிரசவத்தில் பிறந்த குழந்தை என்பதால் ஆணா பெண்ணா என்பது தெரியாமல் உள்ளது . சுகாதாரத் துறை அதிகாரிகள் அந்தப் பகுதியில் வீடு வீடாக விசாரணை நடத்தி வருகின்றனர்.

செல்வராஜ்  செய்தியாளர், இளம்பிள்ளை.