இளம்பிள்ளையில் ரோட்டரி சங்கம் துவக்க விழாவில் நலத்திட்ட உதவிகள் வழங்கல்.

சேலம் மாவட்டம், இளம்பிள்ளையில் ரோட்டரி சங்கம் துவக்க விழா நடைபெற்றது. இவ்விழாவில் ரோட்டரி மாவட்ட ஆளுநர் சரவணன் சிறப்புரை ஆற்றினார். கெளரவ விருந்தினராக எக்ஸெல் கல்லூரி தலைவர் நடேசன் கலந்து கொண்டு சிறப்பித்தார். இடங்கணசாலை நகராட்சி தலைவர் கமலக்கண்ணன், இளம்பிள்ளை பேரூராட்சி தலைவர் நந்தினி ராஜகணேஷ் ஆகியோர் வாழ்த்துரை வழங்கினர்.விழாவில் ஆதரவற்ற முதியோர்கள் 95 பேருக்கு சன்மார்க்க சங்கம் மூலமாக ரூ. 20,000 மதிப்புள்ள காலணிகளும்,இளம்பிள்ளை ஊராட்சி ஒன்றிய தொடக்கப்பள்ளி மாணவ, மாணவிகள் கைகள் சுத்தம் செய்ய ரூ.10 ஆயிரம் மதிப்புள்ள ஸ்டெயின்லெஸ் ஸ்டீலிளான வாஷ்பேஷனும்,பெருமாகவுண்டம்பட்டி மற்றும் இளம்பிள்ளை தொடக்கப்பள்ளியில் 5-ம் வகுப்பு படிக்கும் மாணவ, மாணவிகள் அனைவருக்கும் ரூ. 8000 மதிப்புள்ள டிஷ்னரினும் வழங்கப்பட்டது. விழாவில் புதிதாக தேர்வு செய்யப்பட்ட இளம்பிள்ளை ரோட்டரி சங்க தலைவர் குணசேகரன் இந்த ஆண்டு செயல்படுத்தக்கூடிய 10 நலத்திட்டங்களை அறிவித்தார், சங்க செயலாளர் ஓபுளிராஜன், பொருளாளர் ராமச்சந்திரன் மற்றும் சங்க உறுப்பினர்கள் உள்ளிட்ட பலர் கலந்து கொண்டு சிறப்பித்தனர்.